Söhbət ailə üzvləri ilə salamlaşmaqla və hal-əhval tutmaqla başlayır. Hətta ev yiyəsinin heyvanlarının vəziyyəti ilə də maraqlanmaq adətdir. «Qonağı qapının ağzından “sağ ol” deyib yola salmırlar. Adətən, ev yiyəsi qonağı yolun yarısına kimi ötürür və yol boyunca söhbət edir. Sonra onunla xudahafizləşir və evinə qayıdır. Müsafir bu cür rəftar görməyəndə istənilməyən qonaq olduğunu düşünə bilər», — deyə kamerunlu Cosef nəql edir.
Süfrə başına toplaşan dostlar bəzən bir qabdan yemək yeyirlər, hətta elə olur ki, onlar xörəyi əllə yeyirlər. Bu adət Kamerunda birliyin rəmzidir. Bəzən bu adətdən dostluğu müəyyən səbəblər ucbatından sarsılan insanları barışdırmaq üçün istifadə edirlər. Bir yerdən yemək yemək bir növ «biz artıq barışmışıq» deməkdir.
Bu jurnalı dərc edən Yehovanın Şahidləri Kamerunda 300-dan çox yığıncaq təşkil edib və ölkədə təqribən 65 000 nəfərə Müqəddəs Kitabı öyrədirlər
Əksər piqmeylərin boyu 1,2—1,42 metrdir
- Əhalisi: Orta hesabla 20 milyon
- Paytaxtı: Yaunde
- İqlimi: Şimalı isti və quru, sahilyanı ərazisi isə rütubətlidir
- İxracat: Yağ, kakao, qəhvə, pambıq, ağac, alüminium
- Əhalinin danışdığı dillər: İngilis və Fransız, eləcə Afrikanın təxminən 270 dil və dialekti
